Ղազասխստանի նավթահանքերից մեկում ավելի քան 70 աշխատող վարակվել է կորոնավիրուսով. ՌԻԱ «Նովոստի»

Կորոնավիրուս է հայտաբերվել Ղազախստանի արևմուտքում գտնվող երկրի խոշորագույն Տենգիզ նավթահանքի 71 աշխատողի մոտ, նրանցից 12-ն առողջացել են։ Այս մասին տեղեկացնում է ՌԻԱ «Նովոստի»-ն՝ տարածաշրջանային օպերատիվ շտաբին հղումով. հայտնում է Yerkir.am-ը։

Նշվում է՝ երկրում հաստատվել է կորոնավիրուսով վարակման  ավելի քան 3200 դեպք, որից 25-ը՝ մահվան ելքով։ Նախագահ Կասիմ-Ժոմարտ Տոկաևը երկուշաբթի օրը հայտարարել էր մինչև մայիսի 11-ն արտակարգ դրության ռեժիմը երկարաձգելու մասին, որը գործում է մարտի 16-ից։ Միևնույն ժամանակ նա հայտնել էր նաև Նուր-սուլթանի և Ալմաթիի միջև ավիահաղորդակցության վերսկսման, ինչպես նաև առանձին շրջաններում կարանտիային ռեժիմի մեղմացման մասին։