ՌԴ-ում կորոնավիրուսով վարակման 302 նոր դեպք է գրանցվել. «ՌԻԱ Նովոստի»

Վերջին օրվա ընթացքում Ռուսաստանի 35 շրջաններում գրանցվել է կորոնավիրուսով վարակման 302 նոր դեպք. գրում է «ՌԻԱ Նովոստի» գործակալությունը` Ռուսաստանում կորոնավիրուսի դեմ պայքարի օպերատիվ շտաբին հղումով. հայտնում է Yerkir.am-ը։

Նշվում է՝  երկրում կորոնավիրուսով վարակման դեպքերի ընդհանուր թիվը հասել է 1836-ի, որն ընդգրկում է երկրի 71 շրջան: Վարակման հետևանքով 8 մարդ մահացել է:

Միևնույն ժամանակ վարակման դեպքերի ամենամեծ թիվը գրանցվել է մայրաքաղաք Մոսկվայում` 1226:

Հիշեցնենք՝ ամբողջ աշխարհում նոր տեսակի կորոնավիրուսով վարակվածների թիվը հասել է 722 664-ի-ի, որից  33 983-ը՝ ավարտվել է մահվամբ, իսկ ավելի քան 151 793 մարդ ապաքինվել է։