Արամ Թանանյանը 3 տարի ժամկետով կզբաղեցնի ՌԴ-ում ՀՀ դեսպանությանը կից մաքսային կցորդի պաշտոնը

Կառավարության այսօրվա նիստի օրկարգում է Ռուսաստանի Դաշնությունում Հայաստանի Հանրապետության դեսպանությանը կից մաքսային կցորդ նշանակելու մասին հարցը: Այդ պաշտոնում կնշանակվի Արամ Ալեքսանդրի Թանանյանը:

Կառավարության որոշման նախագծում նշված է. «Ղեկավարվելով Հայաստանի Հանրապետության կառավարության 2019 թվականի դեկտեմբերի 12-ի N 1807-Ն որոշմամբ սահմանված Ռուսաստանի Դաշնությունում Հայաստանի Հանրապետության դեսպանությանը կից մաքսային կցորդի գործունեության կարգի 6-րդ կետի 1-ին և 2-րդ ենթակետերով՝ Հայաստանի Հանրապետության կառավարությունը որոշում է.

Արամ Ալեքսանդրի Թանանյանին նշանակել Ռուսաստանի Դաշնությունում Հայաստանի Հանրապետության դեսպանությանը կից մաքսային կցորդ՝ 3 տարի ժամկետով»:

2018թ.-ից առ այսօր Թանանյանը զբաղեցնում է  ՊԵԿ Նախագահի խորհրդականի պաշտոնը: