Իմ կարծիքով` Սերժ Ազատիչը կզբաղեցնի վարչապետի պաշտոնը. ՌԴ Պետդումայի պատգամավոր

ՌԴ Պետդումայի պատգամավոր, ԱՊՀ երկրների ինստիտուտի ղեկավար Կոնստանտին Զատուլինի կարծիքով` 2018-ին Հայաստանում նախագահական համակարգից խորհրդարանականին անցնելու ընթացքում հատուկ փոփոխություններ, այդ թվում` անձերի, չեն լինի: Այս մասին այսօր «Sputnik Արմենիա»-ում կայացած տեսակամրջի ժամանակ ասաց նա:

«Իմ կարծիքով` Սերժ Ազատիչը նախագահի լիազորությունները դադարեցնելուց հետո կզբաղեցնի վարչապետի պաշտոնը»,-նշեց ՌԴ Պետդումայի պատգամավորը՝ հավելելով, որ Հայաստանը կշարունակի ապրել առանց ներքին կտրուկ շրջադարձերի:

Զատուլինը դժվարացավ ասել, թե ով կփոխարինի Սերժ Սարգսյանին նախագահի պաշտոնում, սակայն այն, որ խորհրդարանում որոշումները կկայացվեն խորհրդարանական մեծամասնությամբ, ակնհայտ է: «Ես խոսակցություններ եմ լսել, որ խորհրդարանական կառավարման ձևին անցնելուց հետո քաղաքական համակարգում որևէ հատուկ փոփոխություն տեղի չի ունենա»,- ասաց նա: