Անձնական խուզարկությամբ Նարեկ Մալյանի մոտ զենք, այլ ապօրինի իրեր չեն հայտնաբերվել․ Ռուբեն Մելիքյան

Հասարակական գործիչ, «ՎԵՏՕ» շարժման ղեկավար Նարեկ Մալյանի պաշտպանությունը ստանձնած Ռուբեն Մելիքյանն, ըստ Yerkir.am-ի, իր ֆեյսբուքյան էջում տեղեկացրել է, որ Նարեկ Մալյանի անձնական խուզարկությամբ զենք, այլ ապօրինի իրեր չեն հայտնաբերվել։

Հիշեցնենք, որ Ոստիկանության տարածած տեղեկատվության համաձայն՝  Նարեկ Մալյանը բերման է ենթարկվել  ապօրինի զենք-զինամթերք պահելու կամ կրելու կասկածանքով։

«Նարեկ Մալյանի մոտ եմ Ոստիկանությունում։

Ժամը 13:30-ի սահմաններում բերման է ենթարկվել (դիմակավորված աշխատակիցների կողմից, ձեռնաշղթաներով, «ասֆալտին փռելու» եղանակով) ապօրինի զենքի պահելու կասկածով։

Անձնական խուզարկությամբ զենք, այլ ապօրինի իրեր չեն հայտնաբերվել։

Սպասում ենք հետագա ընթացակարգին»։