Էրդողանն ընդունել է Պոլսո Հայոց նոր պատրիարքին

Թուրքիայի նախագահ Ռեջեփ Թայիփ Էրդողանը նախագահական նստավայրում ընդունել է Պոլսո Հայոց նորընտիր պատրիարք Սահակ Բ-ին (Սահակ Մաշալյան): Պոլսո 85-րդ պատրիարքը ընտրվելուց հետո առաջին անգամ է հանդիպում երկրի նախագահի հետ: Հանդիպումն անցել է փակ՝ առանց ԶԼՄ ներկայացուցիչների. ըստ Yerkir.am-ի՝ հայտնում է Թուրքիայի նախագահականի պաշտոնական կայքը:

Նույն օրը Մաշալյանը հանդիպել է նաև Թուրքիայի ԱԳՆ ղեկավար Մևլութ Չավուշօղլուի հետ:

Այդ մասին թուրք նախարարը գրում է թվիթերյան էջում. «Շնորհավորում եմ Թուրքիայի հայոց 85-րդ պատրիարք ընտրված Սահակ Մաշալյանին: Բարօրություն եմ մաղթում հայ համայնքին և մեր երկրին: Բոլորս միասին կշարունակենք աշխատել մեր երկրի բազմամշակութային և հանդուրժողականության մթնոլորտում»: