Լիովին աջակցում եմ Հարրիի և Մեգանի՝ երիտասարդ ընտանիքի կարգավիճակում նոր կյանք սկսելու ցանկությանը. Եղիսաբեթ II

Մեծ Բրիտանիայի թագուհի Եղիսաբեթ II-ը Սանդրիհեմյան պալատում հավաքել է թագավորական ընտանիքի բարձրաստիճան պաշտոնյաներին՝ արքայազն Հարրիի և Մեգան Մարքլի՝ թագավորական ընտանիքի անդամի արտոնություններից հրաժարվելու և ֆինանսապես անկախանալու ցանկությունը քննարկելու նպատակով. ըստ Yerkir.am-ի՝ հայտնում է meduza.io-ն:

Նշվում է՝ Եղիսաբեթ II-ն իր աջակցություն է հայտնել արքայազն Հարրիին և Մեգան Մարքլին։ 

Նա այդ մասին հայտարարել է ընտանեկան խորհրդակցության ավարտին: 

«Ես և ընտանիքս լիովին աջակցում ենք Հարրիի և Մեգանի՝ երիտասարդ ընտանիքի կարգավիճակում նոր կյանք սկսելու ցանկությանը: Իհարկե, մենք կնախընտրեինք, որ նրանք մնային թագավորական ընտանիքի լիարժեք անդամներ, բայց մենք հարգում և ընդունում ենք անկախ կյանքով ապրելու նրանց ցանկությունը»,- նշվում է թագուհու հայտարարությունում:

Լրատվամիջոցի տվյալներով՝  թագուհին անդրադարձել է նաև Հարրիի ու Մեգանի համար «անցումային շրջանի»-ն, որի ընթացքում նրանք ժամանակ առ ժամանակ բնակվելու են և՜ Մեծ Բրիտանիայում, և՜ Կանադայում։