Իրաքի վարչապետը հայտնել է հրաժարական տալու մտադրության մասին

Իրաքի վարչապետ Ադել Աբդուլ Մահդին հայտարարել է, որ մտադիր է հրաժարական տալ` արյունոտ անկարգություններին ֆոնին, որի ընթացքում մահացել են հարյուրավոր, վիրավորվել հազարավոր մարդիկ. ըստ Yerkir.am-ի՝ հայտնում են վարչապետի մամլո ծառայությունից:

Հոկտեմբերի 1-ից Իրաքում շարունակվում է հակակառավարական ցույցերը՝ կառավարության հրաժարականի պահանջով՝ կապված կոռուպցիայի, գործազրկության, կենսապայմանների բարելավման պահանջների հետ: Զոհերի թիվն արդեն հասել է մոտ 300-ի, վիրավորներինը՝ 15.000-ի:

«Ես պաշտոնական նամակ կուղղեմ ներկայացուցիչների պալատ՝ կառավարության ղեկավարի պաշտոնից հրաժարվելու խնդրանքով»,- Մահդիի խոսքերն է մեջբերում ՏԱՍՍ գործակալությունը:

Նշենք, նաև, որ հոկտեմբերի վերջին էլ նախագահ Բարհամ Սալեհը  հայտարարել էր, որ Մահդին համաձայնել է հրաժարական տալ: