Էրդողանը հայտնել է Աֆրինից հետո Իդլիբ մտնելու մտադրության մասին

Թուրքիայի նախագահ Ռեջեփ Թայիփ Էրդողանը հայտարարել է, որ սիրիական Աֆրինում ռազմական գործողության ավարտից հետո թուրք զինվորները կշարունակեն չեզոքացնել ահաբեկչական վտանգը Իդլիբ նահանգում. հայտնում է РИА Новости-ն:

«Մենք կշարունակենք ահաբեկչության դեմ պայքարը` չնայած Աֆրինում գործողությունը դադարեցնելու մասին կոչերին: Գործողություն անցկացնելու մասին որոշումն ընդունվել է թուրք ժողովրդի կարծիքի և շահերի համաձայն: Այն բանից հետո, երբ մենք կհաղթենք ահաբեկիչներին  Աֆրինում, մենք նրանց հարցերը կլուծենք նաև Իդլիբում»,- ասել է Էրդողանը:

Հունվարի 20-ին Թուրքիան քրդերի դեմ գործողություն էր սկսել սիրիական Աֆրինում: