Պենտագոնի պահեստներից 79 միջուկային հրթիռներ են անհետացել

Պենտագոնի պահեստներից 79 Minuteman III միջուկային հրթիռներ են անհետացել. ըստ Yerkir.am-ի` տեղեկացնում է avia.pro կայքը:

Հերթական գույքագրման ժամանակ պարզվել է, որ  ամերիկյան միջուկային պահեստարաններից անհետացել են միջցամաքային բալիստիկ հրթիռներ` 79 հատ: Ի դեպ, ընդհանուր առմամբ, Պենտագոնի զինանոցում նմանատիպ 400 հրթիռ է գրանցված:

Ըստ կայքի` միջուկային հրթիռների կորուստը հայտնաբերելուց հետո ԱՄՆ պաշտպանության նախարարությունն արտակարգ հանդիպում է հրավիրել, որի ընթացքում քննարկվել է, թե ուր կարող է կորած լինել ամերիկյան միջցամաքային բալիստիկ հրթիռների մոտ 20 տոկոսը, ընդ որում` դրանց տեղափոխման համար հատուկ տրանսպորտ է անհրաժեշտ: Բոլոր փաստաթղթերի ուսումնասիրությունից հետո պարզվել է, որ այդ 79 հրթիռը պարզապես մոռացել են դուրս գրել փորձարկումների և թեստերի իրականացումից հետո:

Մասնագետները նշում են`կատարվածը ցույց է տալիս, որ ԱՄՆ ռազմավարական ուժերի ղեկավարությունն անգամ չի տիրապետում անհրաժեշտ տեղեկատվության, ինչը սպառնալիք է, քանի որ հրթիռները կարող էին իսկապես անհետացած լինել և ընկնել, օրինակ, ահաբեկչական կազմակերպությունների ձեռքը: