Ո՞ւմ եմ ես հանձնել Արևելյան Եվրոպան. Գորբաչով

ԽՍՀՄ նախկին նախագահ Միխայիլ Գորբաչովը համաձայն չէ այն մտքի հետ, որ ինքը «հանձնել է Արևելյան Եվրոպան»: Yerkir.am-ի տեղեկացմամբ՝ նա այդ մասին ասել է ֆրանսիական Le Figaro պարբերականին տված հարցազրույցում:

Գորբաչովի պնդմամբ` խորհրդային իշխանությունների արձագանքն այդ տարածաշրջանի երկրներում տեղի ունեցած իրադարձություններին մասն էր «նոր մտածողության» քաղաքականության, որը հիմքն էր «ընտրության ազատություն»-ը:

«Ո՞ւմ եմ ես հանձնել Արևելյան Եվրոպան: Լեհաստանը՝ լեհերին, Հունգարիան՝ հունգարացիներին, Չեխոսլովակիան՝ չեխերին և սլովակներին»,- ասել է նա ու հավելել. «Հարևան երկրներն ընդամենը ստացել էին այն իրավունքներն ու ազատությունները, որոնցից արդեն օգտվում էին ԽՍՀՄ քաղաքացիները»: