Փոխհրաձգություն՝ քուրդ զինյալների ու թուրք զինվորականների միջև

Թուրքիայի Վան նահանգի Չալդրան գավառում փոխհրաձգություն է տեղի ունեցել Քուրդիստանի աշխատավորական կուսակցության զինյալների ու թուրք զինվորականների միջև. հայտնում է Independent-ի թուրքական ծառայությունը:

Փոխհրաձգության հետևանքով զոհվել է 1 թուրք զինծառայող, ևս 2-ը վիրավորվել են:

Փոխհրաձգությունից հետո Թուրքիայի ԶՈւ-ն անցել է «ահաբեկիչների չեզոքացման» գործողությանը:

Հիշեցնենք, որ ԱՄՆ փոխնախագահ Մայք Փենսի, պետքարտուղար Մայք Պոմպեոյի և Թուրքիայի նախագահ Ռեջեփ Թայիփ Էրդողանի միջև հինգշաբթի կայացած բանակցությունների արդյունքում համաձայնություն է ձեռք բերվել Սիրիայում կրակի դադարեցման մասին: Հայտարարության համաձայն՝ Թուրքիան 120 ժամով կդադարեցնի Սիրիայում սկսած իր ռազմական գործողությունները, որպեսզի քրդական զորամիավորումները դուրս բերվեն Սիրիայի հետ սահմանին ստեղծվող անվտանգության գոտուց: