Թուրքիան 1.360.000 ԱՄՆ դոլար է խոստանում քուրդ զինյալների ղեկավարներին հայտնաբերողներին

Թուրքիան հակաահաբեկչական գործողությունների շրջանակներում նոր մեթոդներ է կիրառում՝ դրամական պարգև կտրամադրի Քրդական բանվորական կուսակցության անդամների  հայտնաբերմանը և ձերբակալմանը օժանդակողներին:

Թուրքական Sabah-ը,  հղում անելով անհայտ աղբյուրների, գրում է, որ ՔԲԿ-ի շարքային անդամների ձերբակալմանն օժանդակողները կստանան 200.000 թուրքական լիրա (մոտ 68.000 ԱՄՆ դոլար), իսկ ղեկավարներից յուրաքանչյուրի հայտնաբերման դիմաց` 4 միլիոն թուրքական լիրա (մոտ 1.360.000 ԱՄՆ դոլար):

Կայքի հաղորդմամբ՝ պարգևագումարի մասին վերջնական որոշում դեռևս չի կայացվել:

Կառավարության ներկացրած` «որոնվող» ղեկավարների թվում է նաև Ժողովուրդների դեմոկրատական կուսակցության նախագահ Սելահաթթին Դեմիրթաշի եղբայրը՝ Նուրեթթին Դեմիրթաշը: