Անկախության երթ՝ Երևանում

Այսօր սեպտեմբերի 21-ին, ՀՀ Անկախության 28-րդ տարեդարձի կապակցությամբ ՀՅԴ Հայաստանի Երիտասարդական և ՀՅԴ «Նիկոլ Աղբալյան» ուսանողական միությունների կազմակերպած «Անկախության երթ-Մեր հայրենիք» խորագրով տոնական միջոցառումը մեկնարկեց երթով:

Մատենադարանի հարակից հատվածից, երիտասարդների գլխավորած երթը՝ դրոշներով, թմբկահարների ուղեկցությամբ,  շարժվեց Մաշտոցի պողոտայով և Ամիրյան փողոցներով՝ դեպի Հայաստանի Առաջին Հանրապետության հիմնադիրներից և պետականության խորհրդանիշերից մեկը հանդիսացող Արամ Մանուկյանի արձանի մոտ:

Երթի նպատակը անկախության ոգեկոչումն է, անկախության ընկալման բարձրացումը ժողովրդի մոտ:

Ելույթով հանդես եկավ ՀՅԴ Հայաստանի Գերագույն մարմնի ներկայացուցիչ Իշխան Սաղաթելյանը:

Տոնական երեկոն շարունակվում է ազգային երգերի կատարողների և Adana Project խմբի մասնակցությամբ: