Նոր տիպի հրթիռների արձակումը Վաշինգտոնին և Սեուլին ուղղված նախազգուշացում է. Կիմ Չեն Ըն

Հյուսիսային Կորեայի ղեկավար Կիմ Չեն Ընը մեկնաբանել է մարտավարական կառավարվող հրթիռների նոր տեսակի արձակումը, հայտնում  է gazeta.ru-ն՝ վկայակոչելով Կորեայի կենտրոնական հեռագրային գործակալության հայտարարությունը:

Ըստ հայտարարության՝ Ընը անձամբ է ղեկավարել հրթիռների արձակումները: Դրանք արձակվել են երկրի արևմտյան մասում գտնվող օդանավակայանից և անցել կենտրոնական շրջանների և մայրաքաղաքի վրայով:

ԿԺԴՀ-ի ղեկավարի խոսքով` արձակումները «նախազգուշացում ուղղելու հնարավորություն են տալիս»` ի պատասխան Վաշինգտոնի և Սեուլի միջև անցկացվող համատեղ զորավարժությունների:

Լրատվականը հավելում է նաև, որ ավելի վաղ Հարավային Կորեայի շտաբերի պետերի միացյալ կոմիտեի ներկայացուցիչները ԿԺԴՀ-ին մեղադրել էին փոքր շառավղով բալիստիկ հրթիռների փորձարկումներ անցկացնելու մեջ, որոնց արձակումն արգելված է ՄԱԿ-ի Անվտանգության խորհուրդի կողմից:

Հիշեցնենք, որ Փհենյանը հուլիսի 25-ին փորձարկումների ընթացքում փոքր հեռահարության երկու հրթիռ էր արձակել: Փորձարկումները կատարվել էր Սեուլի և Վաշինգտոնի՝ օգոստոսին համատեղ զորավարժությունների անցկացման պլանների չեղարկման համար,  որոնք ԿԺԴՀ-ի մեկնաբամամբ սպառնալիք են երկրի ազգային անվտանգության համար:

Տեսանյութն` այստեղ: