Ամուսնալուծվել պատրաստվող Միխայիլ Շիրվինդտը լքել է Մոսկվան և ուղևորվել Հայաստան

Հայտնի հեռուստահաղորդավար Միխայիլ Շիրվինդտը, որը պատրաստվում է ամուսնալուծվել, լքել է Մոսկվան և այժմ գտնվում է Հայաստանում. հայտնում է Пятый канал-ը:

Նա իր ինսթագրամյան էջում գրառում է արել, որում հիացմունքով է խոսել «Մայր Հայաստան»-ի և բաց երկնքի տակ գտնվող ռազմական տեխնիկայի թանգարանի մասին:

«Ինձ շատ է դուր գալիս այդ օդանավը` ՄիԳ -15-ը: Նա վախենալու չափ վտանգավոր է: Սակայն պատկերացնո՞ւմ եք` եթե ինչ-որ մեկի մոտ ժամանի այդ օդանավը: Առանց պատուհանների, առանց դռների, վախենալու է: Իմ կարծիքով՝ փայլաթիթեղից է պատրաստված։ Մարդիկ կմեռնեն վախից։ Ահա այսպիսի զինվորական տեխնիկա`Հայաստանում»,- գրել է նա:

Հեռուտաալիքը հիշեցնում է, որ ամուսնալուծության մասին լուրը հաղորդավարը հաստատել է իրենց հետ զրույցում թռիչքից առաջ: