Իրանը կոչ է անում ԱՄՆ-ին` վերադառնալ միջուկային գործարքի կատարմանը

Իրանը կոչ է անում ԱՄՆ-ին` նստել բանակցային սեղանի շուրջը և վերադառնալ միջուկային գործարքի կատարմանը: Այդ մասին հայտարարել է Իրանի նախագահ Հասան Ռոհանին. տեղեկացնում է РИА Новости-ն:

Ռոհանիի խոսքով` Իրանը հավատարիմ կլինի գործարքի կատարմանը 100 տոկոսով, երբ մյուս մասնակիցները նույնպես դա անեն:

Հիշեցնենք, որ ԱՄՆ նախագահ Դոնալդ Թրամփը մեկնաբանել է Իրանի կողմից միջուկային գործարքով սահմանված` ցածր հարստացված ուրանի պաշարների գերազանցումը: «Իրանը խախտել է 150 միլիարդ դոլարի միջուկային համաձայնագրեր ԱՄՆ-ի և այլ երկրների հետ... Դա եղել է դեռ իմ ընտրվելուց առաջ: Իսկ այժմ նրանք  գերազանցել են պաշարների մակարդակը: Դա լավ չէ»,-գրել է նա իր թվիթերյան էջում: