Ռոբերտ Քոչարյանի և մյուսների գործով բողոքների քննությունը կշարունակվի վաղը` պայմանավորված դատարանի աշխատանքային ծանրաբեռնվածությամբ

ՀՀ երկրորդ նախագահ Ռոբերտ Քոչարյանի և մյուսների գործի քննությունն այսօր հետաձգվեց` պայմանավորված դատարանի աշխատանքային ծանրաբեռնվածությամբ: Այն կշարունակվի վաղը՝ հունիսի 20–ին, ժամը 14։00–ին։

Նշենք, որ այսօրվա դատական նիստի ընթացքում իրենց բողոքները ներկայացրեցին մեղադրող դատախազները և տուժող կողմը։

Ավելի վաղ տեղեկացրել էինք, որ գլխավոր դատախազությունը, ինչպես նաև տուժող կողմը բողոքարկել են Երևան քաղաքի ընդհանուր իրավասության դատարանի կողմից մայիսի 18-ին կայացված ՀՀ երկրորդ նախագահ Ռոբերտ Քոչարյանի նկատմամբ ընտրված խափանման միջոց կալանավորման որոշումը փոփոխելու և նույն դատարանի մայիսի 20֊-ի՝ քրեական գործի վարույթը կասեցնելու և Սահմանադրական դատարան դիմելու որոշումը: Դատախազները պահանջում են փոխել Ռոբերտ Քոչարյանի նկատմամբ ընտրված անձնական երաշխավորությունը` կալանավորելով նրան:

Ինչ վերաբերում է գործի վարույթին, ապա, դատախազների պնդմամբ, այն կասեցնելու` դատարանի որոշումը բեկանել  է հարկավոր` նոր դատական ակտ կայացնելով:

Հավելեն` նաև, որ վաղը կայանալիք նիստում բողոքների վերաբերյալ իրենց առարկությունները կներկայացնեն գործով պաշտպանները։