ՇՀԿ երկրները մտադիր են շարունակել համագործակցել սպառազինությունների վերահսկման հարցում

Շանհայի համագործակցության կազմակերպության երկրները մտադիր են շարունակել համագործակցել սպառազինությունների վերահսկման  և ատոմային էներգիայի խաղաղ օգտագործման հարցերում: Այդ մասին ասվում է այսօր Բիշքեկում կայացած` կազմակերպության ղեկավարների խորհրդի նիստի արդյունքներով ընդունված հռչակագրում. հայտնում է РИА Новости-ն:

Նշենք, որ Շանհայի համագործակցության կազմակերպության անդամ երկրներ են` Հնդկաստանը, Ղազախստանը, Ղրղզստանը, Չինաստանը, Պակիստանը, Ռուսաստանը, Տաջիկստանը և Ուզբեկստանը:

4 պետություններ` Մոնղոլիան, Իրանը, Աֆղանստանը և Բելառուսը, դիտորդի կարգավիճակ ունեն: 6 երկիր` Շրի Լանկան, Թուրքիան, Ադրբեջանը, Հայաստանը, Կամբոջան և Նեպալը, երկխոսության գործընկերներ են: