Ադրբեջանական ԶԼՄ-ները խեղաթյուրել են Պեսկովի` Փաշինյան-Պուտին հանդիպման մասին խոսքերը

ՌԴ նախագահ Վլադիմիր Պուտինը և ՀՀ վարչապետ Նիկոլ Փաշինյանը երեկ կայացած հանդիպման ժամանակ մանրամասն չեն քննարկել ԼՂ հակամարտության կարգավորումը: Այդ մասին լրագրողների հետ զրույցում ասել է ՌԴ նախագահի մամուլի խոսնակ Դմիտրի Պեսկովը. հայտնում է РИА Новости-ն:

«ԼՂ հակամարտությունը մանրամասն չի քննարկվել: Առարկայական զրույց է կայացել  երկկողմ հարաբերությունների և առևտրատնտեսական փոխգործակցության տարբեր տեսակետների վերաբերյալ»,- ասել է նա:

Հիշեցնենք, որ ՀՀ վարչապետի մամուլի խոսնակ Վլադիմիր Կարապետյանը երեկ նույնպես նշել է, որ ԼՂ հակամարտության կարգավորման հարցի վերաբերյալ մանրամասն քննարկում չի եղել, «պարզապես նշվել է, որ կա ընդհանուր ըմբռնում այս հարցում»:

Ուշագրավ է, որ ադրբեջանական ԶԼՄ-ները, մասնավորապես` Minval.az-ը և Haqqin.az-ը, խեղաթյուրել են Պեսկովի խոսքերը` հանելով «մանրամասն» բառը և գրելով, թե Պեսկովը հերքել է Կարապետյանին:

Լուսանկարները` ստորև: