Թուրքիան Երուսաղեմում շինություններ կառուցելու համար քննադատել է Իսրայելին

Թուրքիայի արտաքին գործերի նախարարությունը հայտարարություն է տարածել, որում քննադատում է Իսրայելին` արևելյան Երուսաղեմում 800-ից ավելի բնակարանաշինության թուլտվություն տալու համար` նշելով, որ, այդպիսով, շարունակում են խախտվել պաղեստինցի ժողովրդի իրավունքները. հայտնում է sondakika.com կայքը:

Նախարարության տարածած հայտարարության մեջ նշվում է, որ Իսրայելի կողմից Ռամադան ամսին բռնազավթված պաղեստինյան հողերում ապօրինի բնակելի շենքեր կառուցելը անմարդկայնության նոր նշան է:

«Իսրայելը, որը վերջերս մեր արևելյան Երուսաղեմը հռչակել էր Իսրայելի մայրաքաղաք, 800-ից ավելի շինարարության թույլտվություն է տվել և դրանով շարունակում է խախտել պաղեստինցիների իրավունքները: Իսրայելը, որը հաշվի չի առնում մարդու հիմնարար ազատություններն ու միջազգային իրավունքները, նպատակ ունի վերացնել Երուսաղեմի կարգավիճակը և երկու երկրների լուծման հեռանկարը: Երբեք չենք ընդունի օրինականության և պատվի ոտնահարումը»,- նշված է հայտարարության մեջ:

Շեշտվում է նաև, որ Թուրքիան շարունակելու է պաղեստինցի եղբայրներին և Պաղեստինի արդար գործին աջակցություն ցուցաբերելը: