ԱՄՆ-ը չի ձգտում Իրանում իշխանափոխության. Թրամփ

ԱՄՆ նախագահ Դոնալդ Թրամփը հայտարարել է, որ ԱՄՆ-ը չի ձգտում Իրանում իշխանափոխության. հայտնում է РИА Новости-ն: Այդ մասին նա ասել է Ճապոնիայի վարչապետ Սինձո Աբեի հետ բանակցությունների արդյունքների հիման վրա կայացած մամուլի ասուլիսում:

Թրամփի խոսքով` այն բանից հետո, երբ ԱՄՆ-ը դուրս եկավ միջուկային գործարքից, Թեհրանը փոխեց իր վարքագիծը տարածաշրջանում լուրջ տնտեսական խնդիրների պատճառով:

ԱՄՆ նախագահը հավելել է, որ, իր կարծիքով, ԱՄՆ-ին և Իրանին «կհաջողվի գործարք կնքել»:

«Իրանը հսկայական տնտեսական ներուժ ունի: Ես այնքան շատ մարդ գիտեմ Իրանից, նրանք հիանալի մարդիկ են, նրանք շանս ունեն հզոր  երկիր լինելու ներկայիս ղեկավարության օրոք»,- ասել է Թրամփը: