ԱՄՆ-ի պատժամիջոցների պատճառով Իրանում նավթի արդյունահանումը կարող է հասնել 1980-ական թվականների նվազագույն մակարդակին

Ամերիկյան պատժամիջոցների պատճառով Իրանում նավթի արդյունահանումը մայիս ամսին կարող է նվազել`հասնելով 1980-ական թվականների նվազագույն մակարդակին, երբ նավթի արտադրությունը երկրում տուժեց Իրաքի հետ պատերազմի պատճառով. տեղեկացնում է ՏԱՍՍ-ը`վկայակոչելով Էներգետիկայի միջազգային գործակալության կողմից հրապարակված մայիսյան հաշեվետվությունը:

Ապրիլի ամսին Իրանում արդյունահանումն ընկել է օրական 130 հազար բարելով՝ մինչև օրական 2,61 մլն բարել:

Ավելի վաղ հաղորդվել էր, որ ԱՄՆ-ը մայիսից չի երկարացրել իրանական նավթի ներմուծման ժամանակավոր թույլտվությունները, որոնք ավելի վաղ` նոյեմբեր ամսին, տրվել էին 8 երկրի: