Չավուշօղլուն պահանջել է Լավրովից` դադարեցնել Իդլիբի վրա հարձակումը

Թուրքիայի ԱԳՆ ղեկավար Մևլութ Չավուշօղլուն պահանջել է իր ռուս գործընկեր Սերգեյ Լավրովից` դադարեցնել Ասադի և նրան աջակցող Ռուսաստանի կողմից սիրիական Իդլիբ շրջանի վրա հարձակումները. հաղորդում է «Անադոլու» գործակալությունը:

Գործակալությունը, հղում անելով իր դիվանագիտական աղբյուրներին, նշում է, որ Չավուշօղլուն կոչ է արել Լավրովին` դադարեցնել հարձակումները, ինչին ի պատասխան Լավրովը հայտնել է, որ հարձակումները դադարեցվել են դեռևս երեկ առավոտյան:

Նշվում է, որ Իդլիբի շրջանից, որի խաղաղության երաշխավորները, ըստ Աստանայի համաձայնության, համարվում են Ռուսաստանն ու Թուրքիան, այդ հարձակումների հետևանքով հազարավոր մարդիկ ստիպված լքել են իրենց տները: