Մադուրոն փախուստի չի դիմել

Երեկ Վենեսուելայի ընդդիմության առաջնորդ Խուան Գուայդոն մի խումբ զինվորականների հետ փորձել է հեղաշրջում իրականացնել, ինչը կանխվել է: Կատարվածից հետո ԱՄՆ պետքարտուղար Մայք Պոմպեոն  հայտարարել է, թե Վենեսուելայի նախագահ Նիկոլաս Մադուրոն երկրից փախչելու փորձ է արել. հայտնում է РИА Новости-ն:

Մադուրոն արձագանքել է Պոմպեոյին: «Ինչ աստիճանի կարող է հասնել անզգացմունքայնությունը, խելահեղությունը, սուտը և մանիպուլյացիան: Մայք Պոմպեոն երեկոյան ասել է, թե Մադուրոն ուներ օդանավ, պատրաստվում էր փախչել, սակայն ռուսներն արգելել են նրան լքել երկիրը: Պարո'ն Պոմպեո, խնդրում եմ, որքան անլուրջ եք»,- ասել է նա: