Ադրբեջանը բողոքի նամակով դիմել է Կոլորադոյի Սենատին

Տեղեկացրել ենք, որ ԱՄՆ Կոլորադո նահանգի Ներկայացուցիչների պալատը երեկ Հայոց ցեղասպանությունը դատապարտող բանաձև է ընդունել, որում առանձին կետով ճանաչել է Արցախի անկախությունը։ Այդ մասին «Երկիր մեդիա»-ի հետ զրույցում տեղեկացրել է ՀՅԴ Հայ դատի ԱՄՆ Արեւմտյան շրջանի գրասենյակի համայնքային զարգացման ծրագրի համակարգող Սիմոն Մաղաքյանը։

Ադրբեջանի ԱԳՆ պաշտոնական ներկացուցիչ Լեյլա Աբդուլաևան մեկնաբանել է վերոհիշյալը` նշելով, որ տվյալ բանաձևում այդ մասին խոսք չկա, իսկ նահանգի օրենսդրական մարմնի իրավասությունների մեջ չի մտնում որևէ կառույց պետություն ճանաչելը. հայտնում է Report-ը:

Նա տեղեկացրել է, որ ԱՄՆ-ում Ադրբեջանի դեսպանատունը Կոլորադո նահանգի Սենատին նամակ է հղել, որում կոչ է արվում  հեռացնել իրենց երկրի մասին լուրջ «խեղաթյուրումները»: