Թուրքիան քննարկում է Մեծամորի ատոմակայանի անվտանգության հարցը

Թուրքիայի Իգդիր քաղաքում Աղետների և արտակարգ իրավիճակների վարչության կողմից ստեղծվել է աշխատանքային խումբ, որի նպատակը Իգդիրից 16 կմ հեռու գտնվող Մեծամորի ատոմակայանի հնարավոր վթարի ժամանակ անհրաժեշտ միջոցներ ձեռնարկնելն է. հաղորդում է haberturk.com կայքը:

Քննարկման ժամանակ որոշվել է համալիր գործողությունների ծրագրի մշակումից հետո` հունիս ամսին, Իգդիրում Աղետների և արտակարգ իրավիճակների վարչության և Թուրքիայի ատոմային էներգիայի կազմակերպության կողմից կազմակերպել զորավարժություն` Մեծամորի հնարավոր աղետից հետո անհրաժեշտ միջոցառումներ իրականացնելու նպատակով:

Նշվում է, որ զորավարժանքներին մասնակցելու են Աղետների և արտակարգ իրավիճակների վարչության, զինվորական ստորաբաժանումներ և այլն:

Թուրքիան և Ադրբեջանը բազմիցս իրենց «անհանգստությունն» են հայտնել ատոմակայանի անվտանգության վերաբերյալ և կոչ արել փակել Մեծամորի ատոմակայանը: