Թուրք ընդդիմադիր պատգամավորը Մեծամորի ատոմակայանի վերաբերյալ առաջարկ է ներկայացրել Մեջլիս

Թուրքիայի գլխավոր ընդդիմադիր Հանրապետական-ժողովրդական կուսակցության Զոնգուլդաքից պատգամավոր Դենիզ Յավուզյըլմազը առաջարկել է հետաքննել Հայաստանի Արմավիր մարզում գտնվող Մեծամորի ատոմակայանի վտանգները. ըստ Yerkir.am-ի՝ հայտնում է ntv.com.tr կայքը:

Թուրք պատգամավորը նշում է, որ 1977 թ. կառուցված ատոմակայանը, որը գտնվում է Երևանից 36, իսկ Թուրքիայի Իգդիր քաղաքից 16 կմ հեռավորության վրա, Թուրքիայի և տարածաշրջանային երկրների անվտանգության համար մեծ կարևորություն է պարունակում:

Յավուզյըլմազը հիշեցրել է Չերնոբիլի դեպքը և նշել, որ Մեծամորը 200 անգամ ավելի հզոր է քան Հիրոսիմայի և Նագասակիի վրա նետված ռումբերը: Պատգամավորը 40 այլ պատգամավորից ստրոագրությամբ առաջարկը ներկայացրել է խորհրդարան:

«Պարզելու, թե Մեծամորի խնդիրը մեր երկրի և հարևան երկրների վրա ինչպիսի կործանիչ հետևանքներ կարող է ունենալ և այդ խնդրին միջազգային հանրության ուշադրությունը հրավիրելու համար, մենք ՀԺԿ-ի անունից, 40 պատգամավորի ստորագրությամբ խորհրդարանական հետաքննության առաջարկ ենք ներկայացրել»,- հայտարարել է  Յավուզյըլմազը։