Թուրք վարսավիրը 50 տարի չի կտրել բեղերը

Թուրքիայի Էրզրում նահանգի Հորասան շրջանում վարսավիրությամբ զբաղվող և  «Հորասանցի բեղավոր» մականունը ստացած Հաջի Մուհամմեթ Քըրբաչն արդեն 50 տարուց ավելի է` չի կտրում բեղերը. հաղորդում է CNN-ի թուրքական ծառայությունը:

Քըրբաչը նշում է, որ 1.5 մետր երկարությամբ բեղերն աճեցնում է 25 տարեկանից: Մասնակցել է Թուրքիայի Բեղերի մրցույթին և հաղթել: Բեղերը չկտրելու որոշումը կայացրել է կնոջը կորցնելուց հետո, քանի որ կինը սիրում էր դրանք: «Մտածում եմ, որ մինչև մահ չեմ կտրելու բեղերս, սա իմ հարստությունն է, քանի որ դրանց շնորհիվ եմ հայտնի դարձել: Բոլորը հետաքրքրվում են և գալիս նկարվում: Այստեղ են գալիս Կարսից, Վանից, Աղրըից»:

Նշենք, որ Քըրբաչն ունի 5 երեխա և 36 թոռ: