Թուրքիային 80 միլիոն հոգեբան է հարկավոր. թուրք երգիչը հույսը կտրել է իր երկրից

Թուրքիայում հայտնի ռոք երգիչ Թեոմանը իր երկրի ու ժողովրդի մասին հերթական քննադատությունն է հնչեցրել:

Հարցազրույցներից մեկում նա ասել է, որ ինքն այլևս անհնար է համարում մարդկանց՝ միմյանց սիրելու վերաբերյալ իր երազանքները: «Թուրքիայի հետ կապված ոչ մի հույս չունեմ: Երազում էի, որ այս երկրի մարդիկ միմյանց կսիրեն, բայց անհնար է: Հոգնել եմ Թուրքիայից»,- նշել է երգիչը:

Նրա խոսքով՝ երկրում իրավիճակն այնքան է բարդացել, որ 80 միլիոն բնակչություն ունեցող Թուրքիային նույն քանակությամբ հոգեբան է հարկավոր:

Հիշեցնենք, որ ավելի վաղ հարցազրույցներից մեկում Թեոմանը հայտարարել էր, որ «զզվում է իր՝ թուրք լինելու փաստից»: