Թուրք ազգայնականները բողոքարկում են Իգդիրում ընտրության արդյունքները

Թուրքիայի «Գորշ գայլեր»-ի քաղաքական միավորում համարվող «Ազգայնական շարժում» կուսակցությունից Իգդիրի քաղաքապետի թեկնածու Իսա Յաշար Թեզելը հայտարարել է, որ բողոքարկելու է ընտրության արդյունքները. հայտնում է diken.com.tr կայքը:

Դեռևս ոչ վերջնական արդյունքների համաձայն` քրդամետ Ժողովուրդների դեմոկրատական կուսակցության թեկնածուներ Յաշար Աքքուշը և Էյլեմ Չելիքը հավաքել են ձայների 50.07 տոկոսը, իսկ Թեզելը` 46.70 տոկոսը:

Կուսակցության նահանգային կառույցում կազմակերպված մամուլի ասուլիսում Թեզելը հայտարարել է, որ Իգդիրում «Cumhur» դաշինքը ենթարկվել է հարձակման, դավադրություն է եղել իրենց դեմ, և ընտրությունների արդյունքները ձևավորվել է գյուլենականների ևու Քրդական աշխատավորական կուսակցության աջակիցների գործադրած ջանքերի շնորհիվ: