Հայկ Ղազարյանը բողոքարկում է ագրարայինի ռեկտորի ընտրության արդյունքները

Հայաստանի ազգային ագրարային համալսարանի ռեկտորի թեկնածու, դոցենտ Հայկ Ղազարյանը բողոքարկելու է ռեկտորի ընտրության արդյունքները: Նա ֆեյսբուքի իր էջում գրել է.

«Հարգելի՛ գործընկերներ, սիրելի՛ ընկերներ

Սույն թվականի մարտի 19-ին տեղի ունեցավ «Հայաստանի ազգային ագրարային համալսարանի» ռեկտորի ընտրությունները: 

Մրցույթի հրավերը և բուն մրցույթը իրականացվել է ՀՀ օրենսդրության` մասնավորապես «Բարձրագույն և հետբուհական մասնագիտական կրթության մասին» ՀՀ օրենքի, ՀՀ կառավարության 14 հունիսի 2012 թվականի թիվ 872-Ն որոշման, «Հայաստանի ազգային ագրարային համալսարանի կանոնադրության» և «Հայաստանի ազգային ագրարային համալսարանի ռեկտորի ընտրության կանոնակարգի» կոպտագույն և աղաղակող խախտումներով:

Կհանդիպենք դատարանում…»։