Իրանը հերթական անգամ հերքել է, թե Թուրքիայի հետ համատեղ գործողություն է իրականացրել

Իրանն արդեն երկրորդ անգամ հերքել է, որ Թուրքիայի հետ սահմանին Քրդական աշխատավորական կուսակցության դեմ համատեղ գործողություն է իրականացրել: Պաշտոնական Թեհրանը հայտարարել է, որ իրանական բանակը թուրքական բանակի հետ համատեղ սահմանային շրջաններում ոչ մի գործողության չի մասնակցելու. հաղորդում է Euronews-ի թուրքական ծառայությունը:

Թուրքիան և Իրանը հայտարարել էին, որ որոշ ժամանակ համատեղ գործողություն են իրականանցնելու ՔԱԿ-ի դեմ` սահմանային անվտանգության նպատակով:

Թուրքիայի ներքին գործերի նախարար Սուլեյման Սոյլուն երկուշաբթի հայտնել էր համատեղ իրականացրած գործողության մասին, սակայն իրանական կողմը հերքեց դա: Իրանական կողմը հաստատել էր, որ Թուրքիան գործողություն իրականացրել է, սակայն Իրանը չի մասնակցել դրան: