Պոմպեոյի հայտարարությունը բարկացրել է Թուրքիային

ԱՄՆ պետքարտուղար Մայք Պոմպեոն հայտարարել է, որ այս շաբաթ պատրաստվում է հանդիպել Կիպրոս կղզու շրջակայքում նավթի հայտնաբերման ուղղությամբ աշխատող Հունաստանի և Կիպրոսի պաշտոնյաների հետ: Չնայած պաշտոնական Անկարայի բողոքներին` Իսրայելը, Կիպրոսը և Հունաստանը  Միջերկրական ծովում սկսել են հորատման աշխատանքները. հաղորդում է Sözcü պարբերականը:

ԱՄՆ պետքարտուղարության հայտարարության համաձայն` «Պոմպեոն մարտի 19-23-ը Իսրայել, Լիբանան և Քուվեյթ կատարելիք այցի շրջանակում կքննարկվի տարածաշրջանային կայունության ապահովման, անվտանգության և տնտեսական համագործակցության հարցերը»:

Բացի դրանից` նախատեսվում է Հունաստանի, Կիպրոսի և Իսրայելի հետ քննարկել անվտանգության և էներգետիկայի ոլորտում հարաբերությունների ընդլայնումը: