Լուկաշենկոն խոստացել է, որ Մինսկը և Մոսկվան միասին կպատասխանեն Եվրոպայում ԱՄՆ-ի հրթիռների տեղակայմանը

Բելառուսի նախագահ Ալեքսանդր  Լուկաշենկոն հայտարարել է, որ հավատում է ՌԴ-ին, որ չի խախտել Միջին և փոքր հեռահարության հրթիռների ոչնչացման մասին համաձայնագիրը. հայտնում է Белта-ն:

Միևնույն ժամանակ, նա մտավախություն  է հայտնել, որ Եվրոպայում կարող են միջին և փոքր հեռահարության հրթիռներ տեղակայվել, և դա աղետ կլինի, հատկապես` Բելառուսի համար:

«Սակայն վախենում եմ, որ ամերիկացիները կօգտվեն առիթից. տապալեցին պայմանագիրը և հրթիռներ կտեղակայեն Եվրոպայում: Այդ դեպքում մեզ էլ քիչ չի թվա: Այդ պատճառով պետք է Ռուսաստանի հետ մտածենք պատասխան քայլերի մասին: Դրանից ոչ մի  տեղ չես փախչի, եթե դա տեղի ունենա: Իսկ ավելի վատ կլինի, եթե այդ հրթիռները, Աստված չանի, որպես վարկած, Ուկրաինայի տարածքում տեղակայվեն»,- ասել է Լուկաշենկոն: