Տրանսպորտի նախկին փոխնախարարը` ԱԺ հանձնաժողովի փոխնախագահ

ԱԺ տարածաշրջանային և եվրասիական ինտեգրման հարցերի մշտական հանձնաժողովը, որը 7-րդ գումարման Ազգային ժողովի նոր հանձնաժողովներից մեկն է, այսօր առաջին նիստն էր գումարել: Օրակարգում հանձնաժողովի կազմը հաստատելն ու փոխնախագահ ընտրելն էր: Թեկնածուն «Իմ քայլը» խմբակցությունից Արմեն Փամբուխչյանն էր, որ միաձայն ընտրվեց։ Ի դեպ, նա նախկինում զբաղեցնում էր ՀՀ տրանսպորտի, կապի և ՏՏ փոխնախարարի պաշտոնը:

«Պետք է հասկանանք՝ ինչու, լինելով ԵԱՏՄ անդամ, չենք կարողանում լիարժեք օգտվել լայն հնարավորություններից։ Այս ու այլ հարցեր մենք լիարժեքորեն բարձրացնելու ենք կառավարության առաջ», - հայտարարռց հանձնաժողովի ԲՀԿ-ական նախագահ Միքայել Մելքումյանը։