Լավրովն արձագանքել է Թրամփի` նոր միջուկային համաձայնագիր կնքելու մասին խոսքերին

Մոսկվան արդեն հայտնել է իր դիրքորոշումը Միջին և փոքր հեռահարության հրթիռների ոչնչացման մասին ռուս-ամերիկյան համաձայնագրի վերաբերյալ և ՌԴ նախագահ Վլադիմիր Պուտինի` ԱՄՆ-ին հայելային պատասխան տալու պատճառների մասին: Այդ մասին ասել է ՌԴ ԱԳՆ ղեկավար Սերգեյ Լավրովը` մեկնաբանելով  ԱՄՆ նախագահ Դոնալդ Թրամփի այն հայտարարությունը,  թե կարելի է նոր համաձայնագիր կնքել` ավելի մեծ թվով մասնակիցներով. հայտնում է РИА Новости-ն:

«Ինչ վերաբերում է հետագա բանակցություններին` այս կամ այլ թեմաներով, որոնք վերաբերում են ռազմավարական կայունությանը, սպառազինության վերահսկմանը, նախագահ Պուտինը պարզ ներկայացրել է մեր դիրքորոշումը` չկա այն նախաձեռնությունների պակաս, որոնք մենք փոխանցել ենք մեր ամերիկացի և ՆԱՏՕ-ի գործընկերներին»,- ասել է Լավրովը: