Չինաստանն աջակցում է Իրանի հետ հաշվարկների համատեղ մեխանիզմի ստեղծմանը

Չինաստանը բարձր է գնահատում եվրոպական պետությունների` Իրանի հետ միջուկային համաձայնագիրը կատարելու ջանքերը և աջակցում է Իրանի հետ  հաշվարկների համատեղ մեխանիզմի ստեղծմանը: «Հույս ունենք, որ մոտ ժամանակներս մեխանիզմը բաց կլինի երրորդ երկրների համար»,- այսօր ճեպազրույցի ժամանակ ասել է Չինաստանի ԱԳՆ պաշտոնական ներկայացուցիչ Գեն Շուանը. հայտնում է РИА Новости-ն:

Ավելի վաղ Ֆրանսիայի, Գերմանիայի և Մեծ Բրիտանիայի ԱԳՆ ղեկավարները հայտարարել են, որ ստեղծում են Իրանի հետ հաշվարկների մեխանիզմ` INSTEX:

Այն սկզբնական շրջանում կենտրոնացած կլինի իրանցի ժողովրդի համար մեծ նշանակություն ունեցող ոլորտների վրա` դեղորայք, բժշկական սարքավորումներ և գյուղատնտեսական մթերք: