Նիկոլ Փաշինյանը անհրաժեշտություն չի տեսնում հանդիպել ՀԱՊԿ գլխավոր քարտուղարի թեկնածուի հետ

Վարչապետի պաշտոնակատար Նիկոլ Փաշինյանը անհրաժեշտություն չի տեսնում հանդիպել ՀԱՊԿ գլխավոր քարտուղարի պաշտոնին հավակնող Ստանիսլավ Զասի հետ, որպես ՀԱՊԿ գլխավոր քարտուղարի թեկնածուի։ Այս մասին «Երկիր մեդիա»-ին ասել է ՀՀ վարչապետի պաշտոնակատարի մամուլի խոսնակ Արման Եղոյանը:

Արդեն գրել էինք, որ Բելառուսի անվտանգության խորհրդի քարտուղար Ստանիսլավ Զասը հույս ունի, որ ՀԱՊԿ գլխավոր քարտուղարի պաշտոնում կնշանակվի կոնսենսուսի միջոցով: Հարցին` նախատեսվո՞ւմ է նրա հանդիպումը ՀՀ ղեկավարության հետ, Զասը պատասխանել է, որ ՀՀ վարչապետի պաշտոնակատարի համար ցանկացած հարմար օր կարող է ժամանել Հայաստան և հանդիպել նրա, ԱԳՆ, ՊՆ ղեկավարների հետ և քննարկել այն խնդիրները, որոնք նրանք տեսնում են կազմակերպության գործունեության մեջ, նաև աշխատել այդ խնդիրների լուծման ուղղությամբ: