Լիբանանը Իսրայելի քայլերի պատճառով նամակով դիմել է ՄԱԿ-ի ԱԽ-ին

ՄԱԿ-ում Լիբանանի  մշտական ներկայացուցիչ Ամալ Մդալյալին, երկրի ԱԳՆ ղեկավար Ջեբրան Բասիլի հրամանով, նամակ է հղել ՄԱԿ-ի Անվտանգության խորհրդին, որում ներկայացված է Բեյրութի մտահոգությունը` կապված Իսրայելի գործողությունների հետ. հայտնում է РИА Новости-ն:

«Իսրայելի վարած քաղաքական և դիվանագիտական արշավը Լիբանանի դեմ մտահոգություն է առաջացնում, քանի որ կարող է երկրի դեմ նոր ագրեսիայի նախապատրաստություն լինել»,- ասվում է  նամակում:

Հիշեցնենք, որ իսրայելական բանակը  օրերս Լիբանանի հետ սահմանին «Հյուսիսային վահան» գործողությունն է սկսել, որի նպատակն է «Հըզբոլլահ»-ի թունելների որոնումը և ոչնչացումը: