Եթե կասկածում եք ձեր կնոջը` ուղիղ եք հարցնում նրան. Լավրովը` Արևմուտքին

ՌԴ ԱԳՆ ղեկավար Սերգեյ Լավրովը հեգնանքով է արձագանքել ԶԼՄ-ների միջոցով Մոսկվային տարբեր պատճառներով մեղադրելու` արևմտյան երկրների պրակտիկային. հայտնում է РИА Новости-ն:

Լավրովը համաժողովի ժամանակ օրինակ է բերել Ֆինլանդիային ու Նորվեգիային, որոնք մեղադրել էին Ռուսաստանին ՆԱՏՕ-ի Trident Juncture աշնանային զորավարժությունների ժամանակ GPS-ի աշխատանքին միջամտելու մեջ: Նա նշել է, որ քաղաքակիրթ մարդիկ անձամբ են մեղադրանքներ հնչեցնում, այլ ոչ թե` լրատվամիջոցների միջոցով:

«Եթե դուք խնդիրներ կամ կասկածներ ունեք ձեր կնոջ հետ հարաբերությունների հարցում, ուղիղ նրան եք հարցնում, այլ ոչ թե դիմում եք լրատվամիջոցներին»,- ասել է Լավրովը:

Դահլիճը այդ խոսքերից հետո ծափահարել է նրան: