Սկրիպալների գործի վերաբերյալ Մեյի ելույթի տոնայնությունն անընդունելի է. Զախարովա

ՌԴ ԱԳՆ պաշտոնական ներկայացուցիչ Մարիա Զախարովան ճեպազրույցի ժամանակ հայտարարել է, որ Մեծ Բրիտանիայի վարչապետ Թերեզա Մեյի ելույթը Սկրիպալների գործի վերաբերյալ անընդունելի տոնայնություն ունի. հայտնում է Газета.ру-ն:

Նա խոսքով` ռուսական կողմը հերքում է Լոնդոնի մեղադրանքները:

Ինչ վերաբերում է այն բանին, որ ՌԴ-ն հրաժարվել է համագործակցել Լոնդոնի հետ գործի հետաքննության հարցում, ապա դա, ըստ Զախարովայի, ապատեղեկատվություն է:

Հիշեցնենք, որ սեպտեմբերի 5-ին Լոնդոնը հրապարակեց ՌԴ երկու քաղաքացիների անուններ, որոնք կասկածվում են ռուս նախկին լրտես Սերգեյ Սկրիպալի և նրա դստեր թունավորման մեջ: Մեյը նույն օրը իր ելույթում նշեց, որ նրանք ՌԴ ռազմական հետախուզության աշխատակիցներ են, և որ ՌԴ պետական մարմինները պատասխանատու են կատարվածի համար: