ՌԴ-ն հրաժարվել է Միքայել Հարությունյանին հետախուզել ՌԴ տարածքում. Интерфакс

ՀՀ ՊՆ նախկին ղեկավար Միքայել Հարությունյանը, ով միջազգային հետախուզման մեջ է, հանվել է հետախուզումից ՌԴ-ի տարածքում. հայտնում է Интерфакс-ը` իր աղբյուրին հղումով:

Նման որոշում կայացվել է Հարությունյանի գործով նյութերի ուսումնասիրությունից հետո: Ըստ աղբյուրի` ՌԴ-ում Հարությունյանին ոչինչ չի սպառնում, սակայն, եթե նա հայտնվի ԱՊՀ երկրներում, նրան կարող են ձերբակալել և արտահանձնել ՀՀ-ին:

Աղբյուրը նաև մանրամասնել է, որ ՊՆ նախկին ղեկավարի ձերբակալության և արտահանձնման մասին հարցումը  Մոսկվան ստացել է  ոչ թե ՀՀ գլխավոր դատախազությունից, այլ միջպետական հետախուզման գծով:

Հարությունյանը հետախուզման մեջ է Մարտի 1-ի գործով: