Պերմյակովին կդատի ռուսական դատարանը՝ Գյումրիում. Интерфакс

Գյումրիում իրականացված դաժան սպանդի մեջ մեղադրվող Վալերի Պերմյակովի նկատմամբ դատավարությունը տեղի կունենա Գյումրիում ռուսական բազայի զինվորական դատարանում: Այս մասին հաղորդում է Интерфакс-ը՝ վկայակոչելով  իր՝ իրավիճակին ծանոթ աղբյուրները:

Նշվում է, որ այս որոշումն ընդունվել է ռազմական բազայի կարգավիճակի վերաբերյալ համաձայնագրի հիման վրա:

Ըստ Интерфакс-ի մեկ այլ աղբյուրի՝  համաձայնեցվում է նաև համատեղ մեղադրական եզրակացության ներկայացման հնարավորությունը ` համաձայն Ռուսաստանի քրեական օրենսդրության:

«Դատարանը նաև քննելու է ռուսական զինվորական դատախազության կողմից ներկայացված մեղադրանքը, որը վերաբերում է զինված դասալքության փաստին», – ասել է աղբյուրը: