Հյուսիսային պողոտայում երաժիշտների մասնակցությամբ միջադեպին ոստիկանները ստիպված են եղել միջամտել. Օսիպյան

Այսօր կառավարության նիստից հետո ոստիկանապետ Վալերի Օսիպյանն անդրադարձավ Հյուսիսային պողոտայում երեկ տեղի ունեցած միջադեպին, երբ փողոցային երաժիշտների վեճին միջամտել են ոստիկանները, նրանց հեռացնելով փողոցից: Օսիպյանը կարծիք հայտնեց, որ պետք է մտնել Հյուսիսային պողոտայում ապրող բնակիչների դրության մեջ, որոնք անընհատ բողոքում են աղմուկից:

«Այո, կան երկրներ, կան քաղաքներ, որտեղ որոշ փողոցներում երաժիշտները նվագում են, երգում են, սակայն Հյուսիսային պողոտան խիտ բնակեցված փողոց է, և նրա բնակիչների համար այդ երաժշտությունը ազդում է, ինչպես աղմուկը: Ունենք բազմաթիվ բողոքներ: ինչ վերաբերում է երաժիշտների մասնակցությամբ միջադեպին, ապա ոստիկանները ստիպված են եղել միջամտել: Եղել է վիճաբանություն երկու երաժիշտների միջև, որոնցից մեկը եղել է ոչ սթափ վիճակում: Երաժիշտներին տարել են բաժին, կազմվել է համապատասխան արձանագրություն, որից հետո նրանց բաց են թողել»,- ասաց Օսիպյանը:

Միջադեպի տեսանյութը՝ ստորեւ: