Եվրոպայի խորհրդի տեղական և տարածքային իշխանությունների կոնգրեսը` որպես դիտորդ Երևանի ավագանու ընտրություններում

Կենտրոնական ընտրական հանձնաժողովն այսօր գումարած հերթական նիստում կայացրել է որոշում՝ Երևանի ավագանու սեպտեմբերի 23-ի արտահերթ ընտրություններին դիտորդական առաքելություն իրականացնելու նպատակով հրավիրել Եվրոպայի խորհրդի տեղական և տարածքային իշխանությունների կոնգրեսին:

Նիստում Կենտրոնական ընտրական հանձնաժողովը համալրել է թիվ 6, թիվ 9 և թիվ 12 տարածքային ընտրական հանձնաժողովների կազմերը:

ԿԸՀ որոշմամբ՝ թիվ 7 տարածքային ընտրական հանձնաժողովի նստավայրի հասցեն՝ք. Երևան, Մալաթիա-Սեբաստիա վարչական շրջան, Րաֆֆու 33,փոխարինվել է ք. Երևան, Մալաթիա-Սեբաստիա վարչական շրջան, ՀԱԹ Ա-1 թաղ, Սվաճյան փողոց, թիվ 92  մանկապարտեզ հասցեով: 

ԿԸՀ մամուլի ծառայություն