Դժգոհ ենք, որ Բելառուսը Ադրբեջանին զենք է վաճառում. Փաշինյան

ՀՀ  վարչապետ Նիկոլ Փաշինյանը հարցազրույց է տվել բելառուսական «Եվրոռադիո» լրատվամիջոցին, անդրադառնալով Բելառուսի կողմից Ադրբեջանին վաճառվող զենքի թեմային:

Փաշինյանի խոսքով` Բելառուսի կողմից «Պոլոնեզ» զինատեսակի վաճառքը Ադրբեջանին լարվածություն է մտցնում Մինսկի ու Երևանիի միջև հարաբերություններում:

 «Մեզ անհանգստացնում է Բելառուսի կողմից Ադրբեջանին զենքի վաճառքը, դա խնդիր կդառնա մեր հարաբերություններում: Ես այդ մասին ասել եմ Բելառուսի նախագահ Լուկաշենկոյի հետ զրույցում : Այս խնդիրը սրվում է այնքանով, որ Հայաստանն ու Բելառուսը ՀԱՊԿ անդամ են, ռազմա-քաղաքական գործընկերներ: Հայաստանի քաղաքացիները դժգոհ են, որ Բելառուսը Ադրբեջանին զենք է վաճառում»,- ասաց նա:

Փաշինյանը հավելել է, իրենց խնդիրը չէ Լուկաշենկոյին ինչ-որ բան համզելը: Հայաստանը ներկայացրել է իր տեսակետը այդ հարցի հետ կապված, հույս ունենալով, որ Բելառուսը կհարգի Հայաստանի շահերը: