Բելառուսը դժգոհ է Եվրախորհրդարանից

Մինսկը կոչ է անում Եվրամիությանը վերադառնալ կառուցողական երկխոսությանը եւ հրաժարվել քաղաքական ու տնտեսական ճնշումներից, երկիրն ապակայունացնելու փորձերից: Իսկ եթե ԵՄ-ն տնտեսական պատժամիջոցներ կիրառի հանրապետության նկատմամբ, Բելառուսը ադեկվատ պատասխան կտա. երեկ հայտարարել է Բելառուսի արտգործնախարարությունը` մեկնաբանելով Եվրախորհրդարանի ընդունած բանաձեւը:

Եվրախորհրդարանի բանաձեւում նշվում է, որ Բելառուսի իշխանությունների նկատմամբ նոր պատժամիջոցներ են կիրառվելու, պահանջվում է, որ Մինսկը դադարեցնի դատական հետապնդումները երկրի նախագահի պաշտոնի նախկին թեկնածուների նկատմամբ:

Բելառուսի ԱԳՆ-ի հայտարարության մեջ ասվում է, որ «Եվրախորհրդարանի մոտեցումներն անընդունելի են եւ հակասում են բարիդրացիության սկզբունքներին»: