Ժիրինովսկին չի բացառում, որ «Ինջիրլիք» ավիաբազան կարող է տրամադրվել ՌԴ-ին

Ռուսաստանի Լիբերալ-դեմոկրատական կուսակցության ղեկավար Վլադիմիր Ժիրինովսկին չի բացառում, որ Թուրքիայի հարավում գտնվող «Ինջիրլիք» ավիաբազան կարող է փակվել ՆԱՏՕ-ի համար և տրամադրվել ՌԴ-ին. հայտնում է РИА Новости-ն:

Ժիրինովսկին Թուրքիայի վերընտրված Էրդողանի հրավերով Անկարայում է` մասնակցելու նրա երդման արարողությանը:

«Ամենայն հավանականությամբ, նա նախագահ կլինի մինչև 2028 թվականը, Թուրքիան մեծ թռիչք կունենա: Կարևորն այն է, որ Թուրքիան լինի Ռուսաստանի գործընկերը: Մենք կարող ենք նրան պաշտպանել բոլոր հարձակումներից: «Ինջիրլիքը» գուցե փակվի ՆԱՏՕ-ի համար և փոխանցվի մեզ: Թուրքիայի հետ ոչ մի վատ բան չի լինի, քանի դեռ իշխանությունն Էրդողանինն է, և մենք միայն կարող ենք ուրախանալ նրա ղեկավարած երկրի հաջողություններով»,- հայտարարել է Ժիրինովսկին` հավելելով, որ Էրդողանը «որևէ նարնջագույն հեղափոխություն թույլ չի տա»: