Շարմազանովը Փաշինյանին ոչ մի բան չի տվել, ժողովուրդն է տվել. Նիկոլ Փաշինյան

Այսօր խորհրդարանում լրագրողների հետ զրույցում, պատասխանելով հարցին` Մարտի 1-ի գործով հնարավո՞ր է, որ ՀՀ երկրորդ նախագահ Ռոբերտ Քոչարյանը հարցաքննվի, վարչապետ Նիկոլ Փաշինյանն ասաց. «Բոլոր նրանք, ում տիրապետած տեղեկությունները կարող են նպաստել գործի բացահայտմանը, պետք է հարցաքննվեն, բա ի՞նչ պետք է անեն»:

Ինչ վերաբերում է ԱԺ փոխնախագահ, ՀՀԿ-ական Էդուարդ Շարմազանովի դիտարկմանը, թե Փաշինյանին 7,5 տոկոս տնտեսական աճով կառավարություն են տվել, հիմա թվեր չկան ծրագրում,  նա ասաց. «Շարմազանովը Փաշինյանին ոչ մի բան չի տվել: Այն, ինչ որ Փաշինյանին տվել է, տվել է ժողովուրդը: Ես խնդրում եմ իրավիճակի գնահատման մեթոդաբանությունը չկորցնել»: